معنتش هتكلم خلاص

موش احباط بس واقع وانا قلت الكلام دا قبل كدا

انتو عرفين ان انا كل يومين اكتب موضوع وبعدين بعض مخلصه احس بكميه احباط شديدة واكنسل الموضوع

وكتبت فى حاجات كتير غير السياسه

المهم يا جماعه انا جالى حاله كدا هقول عاليها وبجد

انا دلوقت لما اجى اتكلم فى مشكله بلد بحس ان انا اهبل لما بتكلم ولما بسمع اى حد يتكلم عن مشكله فى البلد بحس انه هوا اهبل علشان بيتكلم وان انا اهبل علشان بسمع

لما بشوف الانيق احمد المسلمانى ولا ابن امو معتزالدمرداش

ولاالفنان الشعبى عمر اديب ولا العثوله منى الشذلى

بحس انهم متخلفين جدا وان انا اهبل اوى علشان بسمعهم

انا فى وقت من الاوقات كان حلمى ان حد يصور حد بياخد على قفاة ولا بيتهان فى قسم شرطه وظهم اكتر من كدا والناس كلها شافتو

كان حلمى ان ناخد الحريه الى واخدنها دلوقت ونتكلم كلنا وادينا بنتكلم

وكان حلمى الى كنت متخيل انه مستحيل ان حد يقول نعمل يوم للاضراب وحصل يوم واتنين

دا كان اقصى حلم ليا

وبعدين ! كل دا حصل حد ممكن يقولى الامل فى ايه

ومحدش يقول الشعب لان التاريخ اكبر دليل على سلبيه هاذا الشعب ؟

سلمت خالاص

بس انا هكتب وان شاء الله فى موضوع كتبه هيعجبكو لانى بحضرة ومعنتش هكتب ولا هتكلم عن السياسه

لانها حلقه مقفوله

الزنا العرفى

كثيرا ما تخدعنا الألفاظ وكثيرا ما تكون مدخل للشيطان
لا اتكلم فى الدين ولاكن بأختصار شديد لأن الموضوع يأخذ مساحه كبيرة داخل عقلى
الزواج العرفى جواز الدم جواز الفرند جواز ال..... او ال.....
وهل يعلم احد عن الجواز غير الذى نعرفه؟؟ نعم كان على ايام النبى محمد صلى الله عليه وسلم جواز المتعه .
ولكن انتهى فى النهايه بالتحريم (بدون الدخول فى تفاصيل)
اذا من اين الألفاظ العرفى والدم والفرند و و
لنصحح الألفاظ
الزنا العرفى وزنا الدم وزنا الفرند
نعم هاذا ما يصح ان يقال من وجهه نظرى
فلماذا نضحك على بناتنا وشبابنا ونجعل لهم مخرجا لتخدير ضميرهم
لماذا لا نقول هذة الفاظ ابتدعناها لتخدير الضمير مثل المشروبات الروحيه (الخمر)
او الافكار الشيوعيه او الماركسيه( الالحاد)
لن اتكلم كثيرا لانى على يقين انكم تعلمون وتشعرون بم اشعر به من احباط ويأس
لان من يتخذ هذة الالفاظ هم المشايخ والعلماء هم امل هذة الامه التى يلهث الان بناتها وشبابها على شاتات الفضائيات بعواطفهم بسبب هاله ضخمه صنعها الأعلام المتخلف امام اعينهم بسبب الافلام الرومانسيه والعاطفيه التى غالبا لا يكون لها اى علاقه بالواقع .
الحوار متاح فى التعليق واقبل النقد لو أخطات او مكبر الموضوع شويه بس فعلا كبير من وجهه نظرى

تحياتى للجميع

بم أنى ليسانس حقوق شويا قانون بقى

قانون الطوارىء التى تسعى المعارضه لالغاءة
وأبشركم سوف يلغى ويقام مقامه قانون الارهاب وتتمنو ان يرجع تانى الطوارىء هههههههه
زى متمنينا الغاء العلاوة بسسبب الغلاء
واتمنينا ان العيش يرجع برمل وقرف تانى بس نلاقيه

المهم
يجيز القانون خروج الضابط المدان بجريمة التعذيب بعد قضاءه نصف المدة، ولا يلزم القانون المدان باتمام العقوبة الا فى حالة ارتكابه جريمة "مخلة بالشرف"، وبالمناسبة.. وفقا للقانون المصرى، فان التعذيب ليس جريمة مخلة بالشرف!!.
يعنى اى باشا ادان بتعذيب او هتك عرض او اهانه اين كانت وطبعا الاهانات دلوقت مش ضرب على القفا دا بقت بتوصل لهتك العرض زى الباشا اسلام نبيه الى هتك عرض مواطن وصورة وادانته المحكمه وحكمت عاليه بثلاث سنوات سجن واكيد طبعا موش سجن عادى زى اى مجرم دا سجن قوات الامن بالجيزة وهوا سجن عسكرى يسجنه البهوات الضباط المدانين ربنا يجعل كلامنا خفيف عاليهم سجن خمس نجووم يعنى حاجه حلوة كدا تليق بيهم يعنى
وانا اخترتلكم بعض النصوص فى قانون الطوارىء
قانون بشأن حالة الطوارئ
مادة 1- يجوز إعلان حالة الطوارئ كلما تعرض الأمن أو النظام العام في أراضي الجمهورية أو في منطقة منها للخطر سواء كان ذلك بسبب وقوع حرب أو قيام حالة تهدد بوقوعها أو حدوث اضطرابات في الداخل أو كوارث عامة أو انتشار وباء.
مادة 2- يكون إعلان حالة الطوارئ وانتهاؤها بقرار من رئيس الجمهورية ويجب أن يتضمن قرار إعلان حالة الطوارئ ما يأتي:
أولا: بيان الحالة التي أعلنت بسببها.
ثانيا: تحديد المنطقة التي تشملها.
ثالثا: تاريخ بدء سريانها.
مادة 3- لرئيس الجمهورية متى أعلنت حالة الطوارئ أن يتخذ بأمر كتابي أو شفوي التدابير الآتية:
وضع قيود على حرية الأشخاص في الاجتماع والانتقال والإقامة والمرور في أماكن أو أوقات معينة والقبض على المشتبه بهم أو الخطرين على الأمن والنظام العام واعتقالهم والترخيص في تفتيش الأشخاص والأماكن دون التقيد بأحكام قانون الإجراءات الجنائية وكذلك تكليف أي شخص بتأدية أي عمل من الأعمال.
الأمر بمراقبة الرسائل أيا كان نوعها ومراقبة الصحف والنشرات والمطبوعات والمحررات والرسوم وكافة وسائل التعبير والدعاية والإعلان قبل نشرها وضبطها ومصادرتها وإغلاق أماكن طباعتها.
تحديد مواعيد فتح المحال العامة وإغلاقها, وكذلك الأمر بإغلاق هذه المحال كلها أو بعضها.
الاستيلاء على أي منقول أو عقار والأمر بفرض الحراسة على الشركات والمؤسسات وكذلك تأجيل أداء الديون والالتزامات المستحقة والتي تستحق على ما يستولى عليه أو على ما تفرض عليه الحراسة.
سحب التراخيص بالأسلحة أو الذخائر أو المواد القابلة للانفجار أو المفرقعات على اختلاف أنواعها والأمر بتسليمها وضبطها وإغلاق مخازن الأسلحة.
إخلاء بعض المناطق أو عزلها وتنظيم وسائل النقل وحصر المواصلات وتحديدها بين المناطق المختلفة ويجوز بقرار من رئيس الجمهورية توسيع دائرة الحقوق المبينة في المادة السابقة على أن يعرض هذا القرار على مجلس الأمة في أول اجتماع له
دى بعض النصوص وانا حبتها من بعض المواقع على النت ومش هعلق على اى شىء مستنى اشوف كلامكم على الموضوع

الموضوع دا بعيد عن السياسه ولكنه فى عمق السياسه

شات الsms الى فى القنوات الفضائيه بقالى اكتر من سنتين الموضوع دا متتخيلوش عاملى ايه فى دماغى وكل اما اقرا الشات دا متتخيلوش بيتحرق دمى اد ايه اة والله

ممكن بنوته حلوة لصداقه جادة @امرأة مطلقه وتبحث عن صداقه جادة @ اسمى شفيقه وابحث عن شفيق بس يكون رومانسى وشيك وحنون

بحبك وبموت فيكى يا جرجيرة وهوا اساسا مشفش جرجيرة دى وكل علقتو بيها انه بيكلمها فى الشات دا

وعملين جروبات يعنى فى كل قناة مجموعه كدا عرفين بعض وبقرا كلام ببقى هتجن وانا قاعد

الى مجننى بقى ان فى بعض المشايخ بيظهرو فى القنوات دى وبيتكلمو فى الدين مع ان الفلوس الى بيخدوها بتبقى من الدعايه الى فيها موزز وحتت طريه بيرقصو وكدا ومن الشات الى اشبه بشارع بيتعرف فيه الشباب بالبنات بطرق غير شرعيه وبطرق مستفزة ووقحه جدا فى بعض الاوقات

هوا ايه الى صداقه جادة هوا فى حاجه اسمها صداقه بين ولد وبنت ما عالينا من دى علشان مندخلش فى تفاصيل القصه كلها حرقه دمى بجد

انا موش فاهم طب بعض المشايخ الى بيظهرو على القنوات دى مشفتش حد علق على الموضوع دا وكانه عادى موش هرغى كتير اكيد عرفين اقصد ايه

الموضوع دا بجد ولا كدا وكدا ولا انا الى فاهم غلط ولا ايه حد يفهمنى

دماغى بقت صنيه كنافه محشيه مخلل

البلد دى لما تيجى تشوف الفاظ تناسب الخنقه الى انت فيها موش هتلاقى كلمه خنقه زهق حرام هتجنن هنفجر هتشل كل دا ميعبرش عن الى جواك

وانا راكب ميكروباص ومروح الطبيعى ان طول منا ماشى وراكب مواصلات الناس بتكلم نفسها

وانتو اكيد شيفين كدا لان فى ناس مبتشفش خالص ناس معندهاش دم حتى كلمه ناس معندهاش دم دى متمشيش معاهم

فالموصلات غلت والكل شاف كدا لان سياسه الحكومه من فمك ادينك الريس كتر خيرة قال للحكومه تشوف موارد للعلاوة فالحكومه كتر خرها نزلت تاخد من الناس الفلوس علشان تدهلهم تانى لان زى منتو عرفين ان احنا بنحوش فلوسنا عند الحكومه واحمد عز والناس الطيبه دى لان احنا شعب مسرف صراحه فقلنا نحوش عندهم وناخد فلوسنا مرة واحدة

ما علينا وانا راكب المكروباص

واحد بيقول ان احمد عز قالهم قال لمين معرفش باين للسواقين كلامه بيقول كدا استنو المفجئه لسه ورا

احمد عز قالهم انتو عندكم مكروباصات بالاف الجنيهات والناس محدودى الدخل موش لاقيه فانا هغلى وانتو موش هتغلو علشان محدودى الدخل

ما عالينا كل دا مش مهم مع انه فضل يهرتل كتير الراجل دا ويقولك الدولار ما دام موش اقل من الجنيه يبقى الاسعار هتبقى غاليه انا كان هيجيلى شلل من الكلام بس انا متعود على كدا الجهل والتخلف والظروف الى عيشينها فى مصر خلت الناس دمغها ضربت عادى يعنى قلت راجل غلبان وبيتكلم النصيبه انه لما فضل يكلم نفسه كتير ولقيت محدش بيرد عاليه باين الناس زهقت من الكلام النصيبه بقى انى جيت ابص عاليه لقيته موش راجل اهبل بيهرتل

لقيته كان المدرس بتاعى فى الابتدائيه وانا اعرفه ولسه فاكرة كنت هتجنن النصيبه ان انا من سنتين ونص كدا كنت قابلته فى الشارع وسلمت عاليه وكدا وكان فرحان اوى انى فكرة شفته وهوا عمال يهرتل فى المكروباص كنت هتجنن بجد ونزلت فى نص السكه علشان اخدها مشى افوق من الصدمه

وحاسس ان انا كمان كام سنه ربنا يدينى ويديكم طوله العمر فى البلد دى هنبقى زيو على القريب

لان انا دماغى فعلا بقت صنيه كنافه مخشيه مخلل موش بهرج انا قربت اتجنن

كل سنه وانت طيب واحنا مش طيبين

شىء جميل لما تبقى فى بلدك وتقول الى نفسك فيه هيا دى الحريه ولا بلاش حتى شوفو

بقول للريس بتاعى ايه حريه فريدم يعنى اة والله

كل سنه وهوا طيب واحنا فى طابور العيش واقفين

كل سنه وهوا طيب واحنا فى الخارج متهانين

كل سنه وهوا طيب و فى الاقسام متعذبين
كل سنه وهوا طيب وبالطوارق محكومين

كل سنه وهوا طيب وفى الفساد عيشين

كل سنه وهوا طيب وفى المستشفيات ميتين

كل سنه وهوا طيب وبالبرايز متجوزين

كل سنه وهوا طيب واحنا عيشين وسكتين

كل سنه وهوا طيب ومع جمال مستنين

كل سنه وهوا طيب وبالحزب الوطنى مفشوخين

كل سنه وهوا طيب وبالبطاله فرحانين

كل سنه وهواطيب واحنا عيشين ومش عيشين

كل سنه وهوا طيب واحنا مش طيبين

وكل سنه وهوا طيب

وسلملى على الاضراب يا جميل

هشتكنا وبشتكنا يا ريس دا انت رئيس والنعمله كويس لول

هقول تانى رساله لامن مبارك قصدى امن النظام قصدى امن الدوله رساله لاحزاب مصر لو كان فى احزاب رساله لاخوان مصر لو كان فى اخوان رساله لرجال المعارضه فى مصر لو كان فى رجال رساله لشعب مصر لو كان لسه فى شعب

القوة الوحيدة يا جماعه القادرة على تغير النظام والحزب الحاكم هوا النظام والحزب الحاكم

ومفيش اى قوة اخرى فى مصر قادرة على ذلك دلوقت ولا بعدين كمان حتى الشعب اةةة حتى الشعب ومحدش يقولى حصل فى دوله كذا ولا فى دوله كذا ان الشعب عمل اعتصام مدنى وشغل العجوة دا شعب مصر يختلف

طيييب امال نعمل ايه بنضرب ليه والناس بتتسجن ليه وانت بتكتب ليه وبتقرا ليه وعندك امل فى ايه

اقول ان حلو الاضراب وحلو المعارضه ايوا حلوة بالذات لو بالسمنه والسكر بتبقى حلوة لان زى مشفنا

سيادة الريس عمل العلاوة 30% بمعنى تانى وعلشان مرغيش كتير المعارضه صح والاشراب صح وكل دا بيجيب نتيجه حتى لو موش هنغير شىء فهما بقو يعملو حساب للناس الوضع معدش زى الاول فى كل شىء يعنى المعامله اختلفت معدش اى حد ياخد على قفاة فى القسم زى الاول لمو نفسهم شويه ممكن حرامى واد بلطجى لان كانت وصلت ان الافترا على الكل حتى لو شاب محترم كانت بيتفشخ جوا

واهو شفتو اخر حوار فى عيد العمال علاوة وحاجه فل دا الحاج الى هوا ابويا كان جاى فرحان ولا كانه داخل الجنه بال30% دول

فالناس حاسه ان فى حاجه حلوة بتحصل حتى لو الناس الى فاهمه عارفه ان مفيش حاجه بتحصل وكله ضحك على الدقون ما عالينا

حبيت بس اشكر الريس على 30%

ليه بقى لان الحاج ابويا قالى هدخلك بجمعيه واجوزك بيهم باختصار يعنى الريس هوا الى هيجوزنى ان شاء الله يعنى

حبيت اشكر جدا الريس على دور الواجب دا

شكرا يا ريس

حاله احباط

الصور دى شفتها فى جريدة البديل حبيت اورهلكم الله انا لو موش من المحله مكنت صدقت لولا انى عارف كل مكان فى الصور دى فين بجد حرام انا موش هرغى كتير فى الصور دى موش محتاجه كلام المهم قصه الاحباط ايه وانا قاعد على القهوة مع اصحابى زى العادة لقيت نفسى اتخنقت مرة واحدة وقلت لنفسى انت كان نفسك ان الناس تشوف ايه الى بيحصل فى اقسام البوليس فى مصر مع ان الناس عرفه بس الاعلام كان مغيب وحصل والكل شاف وعرف والبركه فى الشباب زى وائل عباس وناس كتير عندها دم لسه فى البلد دى كان نفسى الناس تعرف ان حقها فى بلدها كتير موش حلم برغيف عيش ولا اى لقمه والسلام ان الناس تفوق وتعارض وتتظاهر سلميا موش بالمنظر الى شوفتوة وهتشوفوة فى الصور دا كان حلمى ان المعارضه تبقى فى كل شارع وفكل بيت وان النظام يعرف ان الناس موش بقت خيفه لان النظام يعلم يقينا انه يحكم بالقوة وليس باختيار الناس لان اى مظاهرة او احتجاج او اعتصام دا موش لاعلان معارضه لان الكل يعلم ان المعارضه هم الشعب والمؤيدون هم النظام واعوانه وكل من يتربح منه وان كل ما يحدث من كل هاذة الاعتصامات هوا اعلان رسمى من الشعب على عدم خوفهم وعلى ان كل هاذا بعنوان ناقوس خطر يدق فى كل مؤسسه وكل قطاع فى هاذة البلد باختصار كل دا حصل والحلم بقى حقيقه والناس بقت تتكلم كبير وصغير رجال ونساء متعلم وجاهل الكل اصبح عندة وعى بحقه والكل يعلم مدى الظلم الواقع على هاذا الشعب ولكن ماذا حدث مممممممممممممم بجد ايه الى حصل يمكن عمللنا حساب شويا
لاكن سالت نفسى امال انت عايز ايه يا رامى ان النظام يتغير ممممممممم لقيت نفسى فى حاله احباط لانى عارف ان النظام موش هيتغير وان الحاكم الجديد هوا جمال ابن الرئيس مبارك طيب وبعيدن
اقولكم وجهه نظرى المتشائمه فى الموضوع دا انا وجهه نظرى ان القوة الوحيدة فى مصر القادرة على تغير النظام هوا النظام وان الحزب الوحيد فى مصر القادر على تغير الحكم هوا الحزب الحاكم دا اذا لم سلمنا بوجود احزاب من الاساس لان كما ان كل شىء شكلى فى هاذا البلد ايضا فالاحزاب شكليه وليس لها اى دور فى تشكيل اى سياسه عامه للبلد والكل يعلم ذلك عموما كفايانى رغى وهرتله بس الواحد بيفضفض مع نفسه علشان ميتخنقش يلا شوفو الصور معايا انا موش هعلق على الصور لانها فعلا تزعل

بلاش كدا خليكو اذكا من كدا

الصورة موش محتاجه اى تعليق بس انا هنفجر فعلا يعنى ليه كدا موش فاهم مربوط كدا ليه موش فاهم ولا كانه زعيم عصابه مثلا مجرم خطر وهارب من العداله موش هتكلم كتير احسن حاجه تخنق بجد المفروض يعنى ان فى عسكرى بيبقى برة على الباب لاكن مريض ويتعمل فيه كدا عايز عاقل من اى حد فى الداخليه غير الداخليه اى حد لو حتى بياكل فول وطعميه موش مهم دا لو بياكل تبن من بتاع الحمير سورى يعنى هيبقى فى عقل ومش هيعمل كدا الى جاننى فعلا قمه الغباء السياسى فى كل شىء كل شىء غبى فى البلد دى من حكومه وحزب حاكم لمعارضه واخوان الدنيا مقلبوه فى مصر ودول يقولو غزة وافغانستان على عنيا يا حبيبى بس ميبقاش بيتى مخروب واروح اصلح بيت الى جنبى حاجه تجن والمعارضه تغنى على نظيف حتى كل برامج المعارضه الهبله وكان نظيم دا الحيطه الميله الى اى حد ممكن يشتم فيها ونظيف دا ماله متشوفو المسئول عن نظيف والى قبل نظيم الى خايف يعارض يبقى ميعارضش من الاساسا الى يقول فى فساد ميقلش الحكومه ونظيف يقول مبارك والحزب بس هنعمل ايه فعلا حاجه تجنن فعلا هيتجن

الصورة دى من جريدة البديل شفتها اتهبلت قلت لازم اورهلكم