هشتكنا وبشتكنا يا ريس دا انت رئيس والنعمله كويس لول

هقول تانى رساله لامن مبارك قصدى امن النظام قصدى امن الدوله رساله لاحزاب مصر لو كان فى احزاب رساله لاخوان مصر لو كان فى اخوان رساله لرجال المعارضه فى مصر لو كان فى رجال رساله لشعب مصر لو كان لسه فى شعب

القوة الوحيدة يا جماعه القادرة على تغير النظام والحزب الحاكم هوا النظام والحزب الحاكم

ومفيش اى قوة اخرى فى مصر قادرة على ذلك دلوقت ولا بعدين كمان حتى الشعب اةةة حتى الشعب ومحدش يقولى حصل فى دوله كذا ولا فى دوله كذا ان الشعب عمل اعتصام مدنى وشغل العجوة دا شعب مصر يختلف

طيييب امال نعمل ايه بنضرب ليه والناس بتتسجن ليه وانت بتكتب ليه وبتقرا ليه وعندك امل فى ايه

اقول ان حلو الاضراب وحلو المعارضه ايوا حلوة بالذات لو بالسمنه والسكر بتبقى حلوة لان زى مشفنا

سيادة الريس عمل العلاوة 30% بمعنى تانى وعلشان مرغيش كتير المعارضه صح والاشراب صح وكل دا بيجيب نتيجه حتى لو موش هنغير شىء فهما بقو يعملو حساب للناس الوضع معدش زى الاول فى كل شىء يعنى المعامله اختلفت معدش اى حد ياخد على قفاة فى القسم زى الاول لمو نفسهم شويه ممكن حرامى واد بلطجى لان كانت وصلت ان الافترا على الكل حتى لو شاب محترم كانت بيتفشخ جوا

واهو شفتو اخر حوار فى عيد العمال علاوة وحاجه فل دا الحاج الى هوا ابويا كان جاى فرحان ولا كانه داخل الجنه بال30% دول

فالناس حاسه ان فى حاجه حلوة بتحصل حتى لو الناس الى فاهمه عارفه ان مفيش حاجه بتحصل وكله ضحك على الدقون ما عالينا

حبيت بس اشكر الريس على 30%

ليه بقى لان الحاج ابويا قالى هدخلك بجمعيه واجوزك بيهم باختصار يعنى الريس هوا الى هيجوزنى ان شاء الله يعنى

حبيت اشكر جدا الريس على دور الواجب دا

شكرا يا ريس

حاله احباط

الصور دى شفتها فى جريدة البديل حبيت اورهلكم الله انا لو موش من المحله مكنت صدقت لولا انى عارف كل مكان فى الصور دى فين بجد حرام انا موش هرغى كتير فى الصور دى موش محتاجه كلام المهم قصه الاحباط ايه وانا قاعد على القهوة مع اصحابى زى العادة لقيت نفسى اتخنقت مرة واحدة وقلت لنفسى انت كان نفسك ان الناس تشوف ايه الى بيحصل فى اقسام البوليس فى مصر مع ان الناس عرفه بس الاعلام كان مغيب وحصل والكل شاف وعرف والبركه فى الشباب زى وائل عباس وناس كتير عندها دم لسه فى البلد دى كان نفسى الناس تعرف ان حقها فى بلدها كتير موش حلم برغيف عيش ولا اى لقمه والسلام ان الناس تفوق وتعارض وتتظاهر سلميا موش بالمنظر الى شوفتوة وهتشوفوة فى الصور دا كان حلمى ان المعارضه تبقى فى كل شارع وفكل بيت وان النظام يعرف ان الناس موش بقت خيفه لان النظام يعلم يقينا انه يحكم بالقوة وليس باختيار الناس لان اى مظاهرة او احتجاج او اعتصام دا موش لاعلان معارضه لان الكل يعلم ان المعارضه هم الشعب والمؤيدون هم النظام واعوانه وكل من يتربح منه وان كل ما يحدث من كل هاذة الاعتصامات هوا اعلان رسمى من الشعب على عدم خوفهم وعلى ان كل هاذا بعنوان ناقوس خطر يدق فى كل مؤسسه وكل قطاع فى هاذة البلد باختصار كل دا حصل والحلم بقى حقيقه والناس بقت تتكلم كبير وصغير رجال ونساء متعلم وجاهل الكل اصبح عندة وعى بحقه والكل يعلم مدى الظلم الواقع على هاذا الشعب ولكن ماذا حدث مممممممممممممم بجد ايه الى حصل يمكن عمللنا حساب شويا
لاكن سالت نفسى امال انت عايز ايه يا رامى ان النظام يتغير ممممممممم لقيت نفسى فى حاله احباط لانى عارف ان النظام موش هيتغير وان الحاكم الجديد هوا جمال ابن الرئيس مبارك طيب وبعيدن
اقولكم وجهه نظرى المتشائمه فى الموضوع دا انا وجهه نظرى ان القوة الوحيدة فى مصر القادرة على تغير النظام هوا النظام وان الحزب الوحيد فى مصر القادر على تغير الحكم هوا الحزب الحاكم دا اذا لم سلمنا بوجود احزاب من الاساس لان كما ان كل شىء شكلى فى هاذا البلد ايضا فالاحزاب شكليه وليس لها اى دور فى تشكيل اى سياسه عامه للبلد والكل يعلم ذلك عموما كفايانى رغى وهرتله بس الواحد بيفضفض مع نفسه علشان ميتخنقش يلا شوفو الصور معايا انا موش هعلق على الصور لانها فعلا تزعل

بلاش كدا خليكو اذكا من كدا

الصورة موش محتاجه اى تعليق بس انا هنفجر فعلا يعنى ليه كدا موش فاهم مربوط كدا ليه موش فاهم ولا كانه زعيم عصابه مثلا مجرم خطر وهارب من العداله موش هتكلم كتير احسن حاجه تخنق بجد المفروض يعنى ان فى عسكرى بيبقى برة على الباب لاكن مريض ويتعمل فيه كدا عايز عاقل من اى حد فى الداخليه غير الداخليه اى حد لو حتى بياكل فول وطعميه موش مهم دا لو بياكل تبن من بتاع الحمير سورى يعنى هيبقى فى عقل ومش هيعمل كدا الى جاننى فعلا قمه الغباء السياسى فى كل شىء كل شىء غبى فى البلد دى من حكومه وحزب حاكم لمعارضه واخوان الدنيا مقلبوه فى مصر ودول يقولو غزة وافغانستان على عنيا يا حبيبى بس ميبقاش بيتى مخروب واروح اصلح بيت الى جنبى حاجه تجن والمعارضه تغنى على نظيف حتى كل برامج المعارضه الهبله وكان نظيم دا الحيطه الميله الى اى حد ممكن يشتم فيها ونظيف دا ماله متشوفو المسئول عن نظيف والى قبل نظيم الى خايف يعارض يبقى ميعارضش من الاساسا الى يقول فى فساد ميقلش الحكومه ونظيف يقول مبارك والحزب بس هنعمل ايه فعلا حاجه تجنن فعلا هيتجن

الصورة دى من جريدة البديل شفتها اتهبلت قلت لازم اورهلكم

اضراب المحله 6/4

بدايه القول انا من المحله يعنى انا شاهد عيان على الى حصل وشفت الخراب الى حصل بعينى

انا زى مقلت قبل كدا مع الاضراب ومع اى اعتصام مدنى ولكن بشكل متحضر والى حصل دا ملوش دعوة بالاضراب والا التظاهر ولا اى شىء غير انه حقد وغل وانفجار لا يحكمه اى عقل انفجار من النظام والحزب الحاكم وما يمثله هاذا النظام من حاكم وهوا الرئيس مبارك وزى منتو شيفين الصورة والصورة دى من مدونه الاستاذ وائل عباس وفى فديو رائع كمان عندة

الصورة دى زى مبتعبر فهيا ادراك من الشعب ان المسئول عن كل ما يحدث ليس نظيف ولا حكومه نظيف قدر ما هوا سياسات الرئيس مبارك والحزب الحاكم والشعب يدرك ذلك تماما

موش هوا دا الاضراب دا تخريب يا محلويا

كنت من اول المؤيدين للاضراب ومعنى الاضراب هوا نوع من انواع العصيان المدنى وليس تكسير او مظاهرات غوغائيه يستغلها المغرضون

وكل هاذة الخسائر التى حدثت نحن الذين ندفع ثمنها

الصور من غير تعليق لا الواحد فعلا زعلان ومش

اى فسااد كوم واى فساد فى الدخليه كوم تانى

اى فسااد كوم واى فساد فى الدخليه كوم تانى لانه يعتبر نصيبه

الدخليه يعنى حمايه المواطنين يعنى ظباط الشرطه الى المفروض بياخدو مرتبتهم من ضرائب المواطنين ومن دخل البلد نظير حمايتهم

دا الى المفروض لاكن بم ان النظام فاسد فالدخليه جزى من النظام ولكن اى فسااد فى هاذا القطاع يعتبر نصييبه لان بيهدد امن الشعب ومن المؤسب ان النصيبه اصبحت اكبر بعد السلطه الاكبر الى حصلم عاليها بعد التعديلات الدستوريه

ومن الطبيعى بم ان احنا بشر عندما نملك سلطه ولم نملك رقابه جيدة على هاذة السلطه فتكون النتيجه زى منتم شيفين ضرب وتعزيب للمواطن الغلبان ومجاملات لاصحاب المقام الرفيع موش هتكلم كتير فى النقطه دى لان فى ناس كتير كشفت حقايق ونصايب كتير فى مدونات وغير مدونات ومنهم الاستاذ وائل عباس فهو من وجهه نظرى صاحب وعى مصرى حقيقى نظرأ لاسم مدونه الوعى المصرى

وانا فعلا بشكر من كل قلبى واحد مثله لانه فعلا وضح حقايق كان كتير يخاف يوضحها

حبيت اعبر عن راى فى بلد كلها حريه