موش احباط بس واقع وانا قلت الكلام دا قبل كدا
انتو عرفين ان انا كل يومين اكتب موضوع وبعدين بعض مخلصه احس بكميه احباط شديدة واكنسل الموضوع
وكتبت فى حاجات كتير غير السياسه
المهم يا جماعه انا جالى حاله كدا هقول عاليها وبجد
انا دلوقت لما اجى اتكلم فى مشكله بلد بحس ان انا اهبل لما بتكلم ولما بسمع اى حد يتكلم عن مشكله فى البلد بحس انه هوا اهبل علشان بيتكلم وان انا اهبل علشان بسمع
لما بشوف الانيق احمد المسلمانى ولا ابن امو معتزالدمرداش
ولاالفنان الشعبى عمر اديب ولا العثوله منى الشذلى
بحس انهم متخلفين جدا وان انا اهبل اوى علشان بسمعهم
انا فى وقت من الاوقات كان حلمى ان حد يصور حد بياخد على قفاة ولا بيتهان فى قسم شرطه وظهم اكتر من كدا والناس كلها شافتو
كان حلمى ان ناخد الحريه الى واخدنها دلوقت ونتكلم كلنا وادينا بنتكلم
وكان حلمى الى كنت متخيل انه مستحيل ان حد يقول نعمل يوم للاضراب وحصل يوم واتنين
دا كان اقصى حلم ليا
وبعدين ! كل دا حصل حد ممكن يقولى الامل فى ايه
ومحدش يقول الشعب لان التاريخ اكبر دليل على سلبيه هاذا الشعب ؟
سلمت خالاص
بس انا هكتب وان شاء الله فى موضوع كتبه هيعجبكو لانى بحضرة ومعنتش هكتب ولا هتكلم عن السياسه
لانها حلقه مقفوله
هناك 3 تعليقات:
هييييييييييييييييييييييية انا اول تعليق انا مبسوطة اوىىىىىىىىىى
احبارك اية مشفتكش من زماااااااااان لية
اولا بقة البوست حلو لية بقة لانو رايك مقدرش اعترض علية بس ممكن اعترض شوية هسالك سؤال لو الناس دى مقلتلناش اية بيحصل فى البلد تفتكر هنقدر بسهولة نعرف طبعا لا قوللى لية هقلك مثلا معتز الدمرداش انا بحب اتابعة لسبب ناهيك عن السياية القضايا الاجتماعية اللى بيعرضها بتهزنا كبشر لما نشوفها ونتفاعل ويكفى انو فى ناس غلابة كتير بتوصل لحقوقها عن طريقهم دى فى حد ذاتها حاجة كويسة
نقول مثلا منى انا مبتابعهاش اوى لية بقة لانهم بقوا كتير فا انا بركز على حد واحد علشان نفسيتى متتعبش بجد ومش هقلك كلامك مش منطقى دة لانهم بقوا كتير اوى
بس يكفى انى بلاقى حاجة اعرف منها اخبار البلد
اوعى تكون زهقت من ردى
تحياتى لك
انا مشغول فى الشغل شويه اليومين دول وبخير الحمد لله واتمنى تكونى بخير وانتى منورانى ديمن
وكلامك صح اكيد ومقدرش ازعل من ردك
من النحيه الاجتماعيه نجحو فعلا لاكن من وجهه نظرى ان كسياسه مقدموش اى شىء جديد بالعكس سلبياتهم اكتر من ايجابيتهم
لانهم مبيقدموش اى حلول بالعكس
لاكن كبرامج توب شو نجحو فعلا فى وجودهم كساحه اعلاميه
وشكرا لزيرتك الديمه ليا دا شىء يشرفنى
في الحقيقة انت عندك حق
والامل مش في الشعب
ولا في اي حد الامل في معجزة من السماء
في وقت انتهت فيه المعجزات
إرسال تعليق