شات الsms الى فى القنوات الفضائيه بقالى اكتر من سنتين الموضوع دا متتخيلوش عاملى ايه فى دماغى وكل اما اقرا الشات دا متتخيلوش بيتحرق دمى اد ايه اة والله
ممكن بنوته حلوة لصداقه جادة @امرأة مطلقه وتبحث عن صداقه جادة @ اسمى شفيقه وابحث عن شفيق بس يكون رومانسى وشيك وحنون
بحبك وبموت فيكى يا جرجيرة وهوا اساسا مشفش جرجيرة دى وكل علقتو بيها انه بيكلمها فى الشات دا
وعملين جروبات يعنى فى كل قناة مجموعه كدا عرفين بعض وبقرا كلام ببقى هتجن وانا قاعد
الى مجننى بقى ان فى بعض المشايخ بيظهرو فى القنوات دى وبيتكلمو فى الدين مع ان الفلوس الى بيخدوها بتبقى من الدعايه الى فيها موزز وحتت طريه بيرقصو وكدا ومن الشات الى اشبه بشارع بيتعرف فيه الشباب بالبنات بطرق غير شرعيه وبطرق مستفزة ووقحه جدا فى بعض الاوقات
هوا ايه الى صداقه جادة هوا فى حاجه اسمها صداقه بين ولد وبنت ما عالينا من دى علشان مندخلش فى تفاصيل القصه كلها حرقه دمى بجد
انا موش فاهم طب بعض المشايخ الى بيظهرو على القنوات دى مشفتش حد علق على الموضوع دا وكانه عادى موش هرغى كتير اكيد عرفين اقصد ايه
الموضوع دا بجد ولا كدا وكدا ولا انا الى فاهم غلط ولا ايه حد يفهمنى
هناك 7 تعليقات:
ماهو المشايخ دى يارامى اسمهم مشايخ على ما تفرج وبعدين الاعلانات دى السبوبة اللى بيسترزقوا من وراها وبتاكلهم الفتة
اما اصحاب الرسايل فدى ناس عقلها فاضى
تحياتى
يا ابني دول مش مشايخ دول مرتزقة يعني دول بتوع اللي يدفع اكتر
والله انا موضوع الشات اللي علي الفضائيات مالحقتوش كتير في مصر
يعني ابتدي علي طول قبل ما اخلع انا
ووقتها ماكنش عندي وقت اقعد قدام التلفزيون خالص
بس تصدقوا انا ماشوفتش اي حاجه زي كده في أمريكا؟
يعني مافيش شات علي اي قناة أمريكية
ومش عندي قنوات عربي في البيت هنا ... بس من اللي بسمعه يعني حاجه تفرس بجد
اغلبهم طبعاً شباب صغير
لسه بياخد المصروف
يضيعوا فلسوهم علي الكلام الفارغ ده
وبغض النظر عن فيه صداقة بين ولد وبنت أو مافيش ... مشايخ الفضائيات دول أرزقية يا رامي .
يعني بينفذوا مخططات القناة مهما كانت .
موظف في القناة وبياخد التعليمات من اللي أعلي منه وبينفذها بالحرف عشان فلوسه تزيد
زي أخونا عمرو خالد لما طلع يقول ان سرقة وصلة ART حرام .
ماكنش يعرف إن مص دم الناس برضه حرام؟
ماكنش يعرف ان الاحتكار (كاس العالم) حرام؟
ولا السرقة حرام والاحتكار بزنس؟
تحياتي
Desert cat
الموضوع اكبر من كدا موش موضوع ناس عقلها فاضى او يمكن انا مكبر الموضوع موش عارف بس فعلا الموضوع دا متتخيليش خانقنى اد ايه
tamer.sala7
المشكله انهم بتوع اظهر وناس اصحاب علم بجد ومن جواهم عيشين فعلا الدور
mohager
الموضوع اكبر من ولاد صغيرين يا مهاجر نساء مطلقات ومتجوزين كمان وبيبعتو ماسج للصداقه والتعارف الجاد من اى وجهه نظر او مرجعيه موش عارف ولا فاهم بس فعلا الموضوع دا محتاج وقفه كبيرة دا اشبه بالضعارة ان ناس تتعرف على بعض فى اطار غير شرعى يعنى ايه صداقه ووحدة مطلقه او متزوجه وتقول صداقه مع شاب محترم او رجل اربعينى وبقرا كلام يجن
او ممكن اكون انا مكبر الموضوع موش عارف
بجد عندك حق الموضوع ده اصلا بينرفز
وخصوصا انك ممكن تندمج معاهم
وتتنرفز لو عدت رسالة من غير ما تقرها
بالمناسبة انا احمد من مصر وبدور علي انسة للتعارف الجاد
بالمناسبة
شكرا لزيارتك مدونتي
ويارب ماتكونش اخر مرة
عموما انا ضيفت لينك المدونه بتاعتك
عندي وجاي كل يوم
موضوع مستفز بجد مش ليك انت بس الى يضايق اكتر ان الشات دة لو فى قناة دينية...السلام عليكم ورحمة الله ارغب فى انسة متدينة محجبة..انا سيب رقمى فى الكنترول..والى عايز يكلمنى انا فاضى فى اى وقت..ولا اله الا الله.....انا بقى اقول حسبى الله ونعمة الوكيل...ام عن موضوع المصارعة وما الدنيا الا مسرح كبير...تحياتى
إرسال تعليق