البلد دى لما تيجى تشوف الفاظ تناسب الخنقه الى انت فيها موش هتلاقى كلمه خنقه زهق حرام هتجنن هنفجر هتشل كل دا ميعبرش عن الى جواك
وانا راكب ميكروباص ومروح الطبيعى ان طول منا ماشى وراكب مواصلات الناس بتكلم نفسها
وانتو اكيد شيفين كدا لان فى ناس مبتشفش خالص ناس معندهاش دم حتى كلمه ناس معندهاش دم دى متمشيش معاهم
فالموصلات غلت والكل شاف كدا لان سياسه الحكومه من فمك ادينك الريس كتر خيرة قال للحكومه تشوف موارد للعلاوة فالحكومه كتر خرها نزلت تاخد من الناس الفلوس علشان تدهلهم تانى لان زى منتو عرفين ان احنا بنحوش فلوسنا عند الحكومه واحمد عز والناس الطيبه دى لان احنا شعب مسرف صراحه فقلنا نحوش عندهم وناخد فلوسنا مرة واحدة
ما علينا وانا راكب المكروباص
واحد بيقول ان احمد عز قالهم قال لمين معرفش باين للسواقين كلامه بيقول كدا استنو المفجئه لسه ورا
احمد عز قالهم انتو عندكم مكروباصات بالاف الجنيهات والناس محدودى الدخل موش لاقيه فانا هغلى وانتو موش هتغلو علشان محدودى الدخل
ما عالينا كل دا مش مهم مع انه فضل يهرتل كتير الراجل دا ويقولك الدولار ما دام موش اقل من الجنيه يبقى الاسعار هتبقى غاليه انا كان هيجيلى شلل من الكلام بس انا متعود على كدا الجهل والتخلف والظروف الى عيشينها فى مصر خلت الناس دمغها ضربت عادى يعنى قلت راجل غلبان وبيتكلم النصيبه انه لما فضل يكلم نفسه كتير ولقيت محدش بيرد عاليه باين الناس زهقت من الكلام النصيبه بقى انى جيت ابص عاليه لقيته موش راجل اهبل بيهرتل
لقيته كان المدرس بتاعى فى الابتدائيه وانا اعرفه ولسه فاكرة كنت هتجنن النصيبه ان انا من سنتين ونص كدا كنت قابلته فى الشارع وسلمت عاليه وكدا وكان فرحان اوى انى فكرة شفته وهوا عمال يهرتل فى المكروباص كنت هتجنن بجد ونزلت فى نص السكه علشان اخدها مشى افوق من الصدمه
وحاسس ان انا كمان كام سنه ربنا يدينى ويديكم طوله العمر فى البلد دى هنبقى زيو على القريب
لان انا دماغى فعلا بقت صنيه كنافه مخشيه مخلل موش بهرج انا قربت اتجنن
هناك 12 تعليقًا:
يا باشا انت قربت تتجنن انا اتهبلت خلاص اكيد سمعت عن الغاء الضرايب من علي المدارس والجامعات الخاصة يعني حتي مصاريف المدرسة غليت
لو حد يعرف موبايل الريس يدهولي والله مش حعمل اي حاجة غير اني ابعتله رسالة اكتبله فيها ارحمني علشان ربنا يرحمك
معلش غلطة مطبعية انا كنت اقصد الغاء الاعفاءات الضريبية
اللهم ارفع غضبك ومقتك عنا
ممكن تشيل تاكيد الكلمة حين ارسال التعليق
يا رامى الناس كلها هيست وماشية تكلم فى نفسها
هو يعنى كل واحد راكب ميكروباص بالاف الجنيهات يبقى بتاعه ده كل الناس دى سواقين على الميكوراباصت ربنا ينتقم منهم
ده الجنان قليل مع اللي بيحصل ده
يعني الريس زود الناس اللي بتشتغل في الحكومة 30% .... يقوم الاسعار تزيد علي الكل 50% .... مش حرام ده؟
يعني الحكومة تغلي البنزين والسولار علي أولاد البلد .... وتبيع الغاز المصري بتراب الفلوس لأسبانيا والأردن واسرائيل؟
مايزودوا اسعار الغاز اللي بيترمي بره ببلاش ويزودوا المرتبات من فرق الاسعار دي .
tamer.sala7
دا شىء طبيعى هما بيبحثو عن اى موارد يلمو منها فلوس العلاوة واكيد بعيدا عن ضرائب احمد عز والملاين الى بتتسرف على الدعايه من شركات المحمول وغيرة ولما نقول ناخد من الاغنياء ضرائب يقولها هناخدها جبايه ويطيحو بالغناء باللبراليه وحجريه راس المال وتشجيع الاستثمار والكلام دا
monaliza يقول
انا كنت بدايق من الحركه وشكرا للزيارة وانا شلتها بالفعل
Desert cat
القصه موش كدا الكلام كله اهبل من الحديث عن احمد عز للاسلوب فى المعارضه ولكن انا بتكلم عن ان دا كان راجل عاقل وربنا كرمه ومخه راح والبقيه تاتى
mohager
انت لا تتخيل الموضوع دا مجننى اد ايه الغاز الى برخص التراب الى ملوش اى علاقه بالاسعار العالميه الى بنديه لليهود وفى نفس الوقت نتغنى بالمعادة واى حد من الشعب يقول حريه فى اسرائيل يقولولة اسرائيل دى كذا وكذا وكذا لو فارك حلقه كان عاملها وائل الابراشى عن المهجرين فى اسرائيل ومسكهم بهدلهم وكانهم خانو البلد وهم يبحثون عن حريتهم حتى ولو كانت فى بلاد الاعداء والكلام كثير فى النقطه دى ولكن انا لا اعلم المنطق من ارسال الغاز لاسرائيل الحكمه ايه من كدا موش عارف شىء يجنن فعلا
هههههههههه على فكرة الجنان مش كفاية على حالتنا دلوقتى ومش محتاجين ننزل الشارع علشان نحس بالخنقة لانها طبيعى موجودة من خوفنا النزول علشان غلاء الاسعار فا نقعد فى بيوتنا احسن تسلم ايدك
مساء الخير
بجد معاك حق فى كلامك بعد شويه هنلاقى البلد كلها اتجننت من كتر اللى بيحصل للشعب وربنا يقوينا ونقدر نتحدى اللى بيحصلنا
تحياتى
أخي رامي
مع تحفظي علي كل اللي بتعمله اسرائيل في خارج حدودها .
بس من الداخل دولة ديموقراطية من الدرجة الأولي .
اه فيه حرية في اسرائيل
واللي يقول عكس كده مع احترامي للجميع يبقي يا غبي يا اعمي .
لما يحاكموا رئيس الدولة يبقي دي ديموقراطية
لما يتهموا رئيس الوزراء الحالي بالفساد ... يبقي دي ديموقراطية
لما يحاكموا ابن شارون بتهمة التربح من منصب ابوه يبقي دي ديموقراطية .
مش كده ولا ايه؟
PrInCeSS BeRy
عندك حق بقى دا النورمل عندنا
rara
هوا فعلا نص البلد اتجننت ولسه
mohager
مفيش حد ممكن ينكر ان فى حريه فى اسرائيل دا بلدهم وكذلك الحال فى امركيا مع اختلاف المعيار والسياسه خارج حدودهم بس احنا الى نستاهل كدا ولكن الحريه مكفوله للكل حد داخل اسرائيل لاهم شعب اختارو حاكمهم لاكن احنا شعب بنخاف من الحاكم موش الحاكم الى يعمل حساب للشعب وللحديث بقيه
للأسف عقدة الحاكم دي عندنا من ايام الفراعنة .
الحاكم إله .... أو قريب من مرتبة الإله .
ماحصلش غير اوقات قليلة الخروج علي الحاكم .
وبتكون في الغالب بتحريض من شخص عايز يمسك الحكم .
أما بخصوص أمريكا واسرائيل في سياساتهم الخارجية ... فكله لصالح مواطنهم ووطنهم .
بغض النظر عن رؤيتنا إحنا للسياسات دي ... بس دي قمة الوطنية .
ماهو مش معقول حكومة أمريكا مثلاً يبقي ولائها للعرب أولاً وتعمل لمصلحتهم علي حساب المواطن الأمريكي .
mohager
كلام صح اكيد فى الاول والاخر مصلحه المواطن الامريكى فوق كل شىء حتى ولو على حساب الحريه للاخرين مادام هم يتمتعون بها فازدواج المعايير مباح مادام للمصلحه الوطنيه
ودا قمه الوطنيه فعلا انك تعمل اى شىء لمصلحه شعبك حتى ولو هتدفه مليارات الدولارات فى الحروب
المهم مصلحه المواطن اولا واخيرا
إرسال تعليق