هقول تانى رساله لامن مبارك قصدى امن النظام قصدى امن الدوله رساله لاحزاب مصر لو كان فى احزاب رساله لاخوان مصر لو كان فى اخوان رساله لرجال المعارضه فى مصر لو كان فى رجال رساله لشعب مصر لو كان لسه فى شعب
القوة الوحيدة يا جماعه القادرة على تغير النظام والحزب الحاكم هوا النظام والحزب الحاكم
ومفيش اى قوة اخرى فى مصر قادرة على ذلك دلوقت ولا بعدين كمان حتى الشعب اةةة حتى الشعب ومحدش يقولى حصل فى دوله كذا ولا فى دوله كذا ان الشعب عمل اعتصام مدنى وشغل العجوة دا شعب مصر يختلف
طيييب امال نعمل ايه بنضرب ليه والناس بتتسجن ليه وانت بتكتب ليه وبتقرا ليه وعندك امل فى ايه
اقول ان حلو الاضراب وحلو المعارضه ايوا حلوة بالذات لو بالسمنه والسكر بتبقى حلوة لان زى مشفنا
سيادة الريس عمل العلاوة 30% بمعنى تانى وعلشان مرغيش كتير المعارضه صح والاشراب صح وكل دا بيجيب نتيجه حتى لو موش هنغير شىء فهما بقو يعملو حساب للناس الوضع معدش زى الاول فى كل شىء يعنى المعامله اختلفت معدش اى حد ياخد على قفاة فى القسم زى الاول لمو نفسهم شويه ممكن حرامى واد بلطجى لان كانت وصلت ان الافترا على الكل حتى لو شاب محترم كانت بيتفشخ جوا
واهو شفتو اخر حوار فى عيد العمال علاوة وحاجه فل دا الحاج الى هوا ابويا كان جاى فرحان ولا كانه داخل الجنه بال30% دول
فالناس حاسه ان فى حاجه حلوة بتحصل حتى لو الناس الى فاهمه عارفه ان مفيش حاجه بتحصل وكله ضحك على الدقون ما عالينا
حبيت بس اشكر الريس على 30%
ليه بقى لان الحاج ابويا قالى هدخلك بجمعيه واجوزك بيهم باختصار يعنى الريس هوا الى هيجوزنى ان شاء الله يعنى
حبيت اشكر جدا الريس على دور الواجب دا
شكرا يا ريس
هناك 3 تعليقات:
للأسف نسبة ال 30 % العلاوة السنوية و بزيادة 15 % عن كل عام حوالي 9 مليارات جنيه دا جزء من سياسة التخبط اللي بنعيشة علي جميع المستويات كنت اتمني أن يحاول مبارك معالجة التضخم الذي يسيطر علي السوق المصري حاليا بدلا من السماح له بالانتشار حتي يصبح ورما خبيثا من المستحيل استئصاله ؟ وهل يوجد داخل القطاع العام الموارد التي ستعطي تلك الزيادة بعد ان تم بيع جميع هيئات القطاع العام المدرة للأنتاج للأجانب
كنت اتمني ان يوضح الرئيس مبارك كيفية توضيح تغطية الزيادة المقررة من خلال الموارد او علي الاقل نشهد نجلة يصرخ للدفاع عن والده وعن هذة الخطوة الغير منوقعة كما كان يفعل في الاسكندرية للتحذير من الاخوان المسلمين بعد النجاح المدوي الذي حققوة في المرحلة الاولي في انتخابات مجلس الشعب
انتظروا انفلات في الاسعار و زيادة الواردات الصينية و ربما ارتفاع بعض اسعارها ايضا
ربنا يخليلنا ريسنا
بيقولولك من عيلة معمرة باباه ومامته ميتين كبااااااااااار
كفاية كدة عشان ماأعكش الدنيا
ابسط يا عم ريسك هيجوزك
ولما تتجوز اوعى تفتح بقك تانى انت كده خلاص اخدت نصيبك م الورث
هيص يل عم
يلا ان شالله محد حوش
إرسال تعليق